„Það er ljóst að það yrði ekki vinnufriður um þau góðu og mikilvægu málefni sem við höfum verið að vinna að í borgarstjórn og við vissum ekki af afstöðu [Gústafs] til samkynhneigðra. Það er það sem breyttist,“ segir Svein­björg Birna Svein­björns­dótt­ir, odd­viti Fram­sókn­ar og flug­vall­ar­vina í Reykja­vík­ur, spurð að því hvað olli því að borgarfulltrúar Framsóknar og flugvallarvina ákváðu að draga skipun Gústafs Níelssonar sem varamanns í mannréttindaráð Reykjavíkurborgar til baka.

Sveinbjörg segir að í kjölfar skipunar Gústafs hafi ákveðnir hlutir verið dregnir fram sem borgarfulltrúunum var ókunnugt um. „Þeir eru uppi á borðinu núna og þá þurfum við að endurskoða okkar afstöðu, og við erum alveg konur til þess að gera það,“ segir hún.

Í tilkynningu frá Framsókn og flugvallarvinum um afturköllun skipunar Gústafs segir m.a. að stefna framboðsins sé skýr.

„Við berj­umst fyr­ir mann­rétt­ind­um, virðingu fyr­ir ein­stak­lingn­um og fjöl­skyld­unni. Við höfn­um hvers kon­ar mis­mun­un sem ger­ir grein­ar­mun á fólki t.d. eft­ir kynþætti, kyn­ferði, tungu, trú, þjóðerni, kyn­hneigð, bú­setu eða stjórn­mála­skoðunum. Við mun­um ávallt verja skoðana- og tján­ing­ar­frelsi, trúfrelsi og friðhelgi einka­lífs.

Skip­un vara­manns í mann­rétt­indaráð Reykja­vík­ur­borg­ar í gær er ekki í sam­ræmi við stefnu Fram­sókn­ar­flokks­ins og voru því mis­tök af okk­ar hálfu,“ segir í tilkynningunni.

Greta Björg Eg­ils­dótt­ir tek­ur sæti vara­manns í mann­rétt­indaráði Reykja­vík­ur­borg­ar.

Uppfært kl. 12.44:

Á Facebook-síðu Sigmundar Davíðs Gunnlaugssonar forsætisráðherra má nú finna eftirfarandi færslu:

„Hitti fulltrúa Framsóknar og flugvallarvina í morgun til að ræða flugvallarmál. Ræddum einnig þau mistök sem voru gerð við nefndarskipan. Fundurinn var góður og árangursríkur.“

„Hið afbrigðilega og ófrjóa“

Tengdar fréttir

Skipun í mannréttindaráð Reykjavíkur

Endurskoða leiðir við skipun í nefndir

• „Þeirra rödd, rödd haturs og fordóma“
• Gréta í mannréttindaráð í stað Gústafs
• Sérstakt að verða „heimsfrægur“ á Íslandi
• „Besta skinn og hatar engan“

» Fleiri tengdar fréttir

• 6 blogg um fréttina

Bloggað um fréttina

• Júlíus Már Baldursson: Vitleysingar!
• Páll Vilhjálmsson: Ég er ekki Gústaf
• Torfi Kristján Stefánsson: Hvað með afstöðuna til múslima?
• Njörður Helgason: Veik þekking forystunnar.
• S i g u r ð u r S i g u r ð a r s o n: Er Framsóknarflokknum treystandi í stjórnmálum?
• Jóhannes Ragnarsson: Vill a.m.k. 100 tonn af Gústöfum Níelssonum