Samtök atvinnulífsins segja að hækkun neðra þreps virðisaukaskatts hafi ekki skilað sér að fullu út í verðlag verslana í janúar. 

SA segir, að matur og matur og drykkjarvörur hafi hækkað um 2,6% milli desember og janúar en hækkun lægra þreps virðisaukaskatts hafi gefið tilefni til 3,7% hækkunar. Þar af hækkuðu matvörur um 3,1% en drykkjarvörur lækkuðu um 1,7%.

„Þessar tölur gefa til kynna að hækkun neðra þrepsins hafi ekki skilað sér að fullu út í verðlag verslana í janúarmánuði,“ segir SA.

Í janúar tóku í gildi breytingar á óbeinum sköttum. Lægra þrep virðisaukaskatts var hækkað úr 7% í 11% og það hærra lækkað úr 25,5% í 24%, auk þess sem almenn vörugjöld og sykurskattur voru felld niður.

„Hækkun virðisaukaskatts á matvæli kemur einkum fram í tveimur undirliðum vísitölu neysluverðs; matur og drykkjavörur og hótel og veitingastaðir. Niðurstaða mælingar Hagstofunnar á vísitölu neysluverðs í janúar sýnir að hvorugur liðanna hækkaði jafn mikið og breytingar virðisaukaskatts gáfu tilefni til. Á móti því kemur að afnám sykurskatts hafði einhver áhrif til lækkunar en hversu mikil er óljóst, en nefna má að strásykur lækkaði um rúmlega 50% milli desember og janúar,“ segir í tilkynningu SA.

Tengdar fréttir

Verðbreytingar um áramótin

Fleiri á verði vegna verðbreytinga

• Verðhækkanir í Stúdentakjallaranum
• Kaffibollinn hækkaður í 620 krónur
• Bíómiðinn lækki um 5-15 krónur
• Villur í tölvukerfum ollu hækkunum

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: EKKI ALVEG "HEILAGAR OG RÉTTAR" TÖLUR..............