Í frétt RÚV kemur fram að nýju yfirstjórninni sé ætlað að taka þessi mál fastari tökum en áður hefur verið gert. 

Eygló Harðardótt­ir, fé­lags­málaráðherra, hef­ur boðað Dag B. Eggerts­son, borg­ar­stjóra á sinn fund vegna mál­efna ferðaþjón­ustu fatlaðra. Eins verður haft sam­band við aðra odd­vita sveit­ar­fé­laga sem eiga aðild að Strætó. 

Strætó bs. sendi frá sér tilkynningu í gær um að fyrirtækið harmaði það að stúlkan hafi verið skil­in eft­ir í bílnum og voru stúlk­an og fjöl­skylda henn­ar beðin af­sök­un­ar. Í til­kynn­ingunni sagði jafnframt að málið sé til rann­sókn­ar og allt verði gert til að kom­ast í botn í því. 

Ólöf Þor­björg Pét­urs­dótt­ir mun ekki nýta sér ferðaþjón­ustu fatlaðra fyrr en búið er að gera breyt­ing­ar á fyr­ir­komu­lag­inu að sögn föður henn­ar Pét­urs Gunn­ars­son­ar sem mbl.is ræddi við í morgun.