Ákvörðun um gæsluvarðhald í dag

Yfirheyrslum yfir konu á sextugsaldri sem handtekin var í gær vegna mannsláts í Hafnarfirði er lokið. Tekin verður ákvörðun síðar í dag um hvort krafist verði gæsluvarðhalds yfir henni, að sögn Friðriks Smára Björgvinssonar, yfirmanns rannsóknardeildar lögreglunnar á höfuðborgarsvæðinu.

Enn er óljóst um atvik og stendur rannsókn yfir. Veit­ir lög­regla ekki frekar upp­lýs­ing­ar um málið að svo stöddu.

Eins og mbl.is greindi frá fannst maður á fimmtugsaldri látinn í íbúð sinni um þrjúleytið í gær. Samkvæmt heim­ild­um mbl.is lést hann af völd­um hnífstungu og er sambýliskona hans grunuð um verknaðinn. Hún var yfirheyrð í gærkvöldi.

Frétt mbl.is: Lést af völdum hnífstungu

• Blogga um frétt