„Málið var tekið formlega á dagskrá í nefndinni í morgun og sent út til umsagnar. En þess utan er auðvitað öllum frjálst að senda inn umsögn um það sem vilja,“ segir Sigríður Ingibjörg Ingadóttir, formaður velferðarnefndar Alþingis, í samtali við mbl.is en þingsályktunartillaga um að klukkunni á Íslandi verði seinkað um eina klukkustund var tekið inn í nefndina í morgun.

Tillagan er lögð fram af ellefu þingmönnum úr öllum stjórnmálaflokkum sem sæti eiga á Alþingi en samkvæmt henni verður ríkisstjórninni falið „að seinka klukkunni á Íslandi um eina klukkustund. Valin verði hentug tímasetning til þess að ráðast í aðgerðina, innan árs frá samþykkt tillögu þessarar, að lokinni tilhlýðilegri kynningu í þjóðfélaginu ásamt undirbúningi.“ Fyrsti flutningsmaður er Páll Valur Björnsson, þingmaður Bjartrar framtíðar.

Ingibjörg segist aðspurð telja fullan vilja í nefndinni til þess að afgreiða málið. Það eina sem gæti komið í veg fyrir það er að einhver stór mál kæmu inn í hana sem yrði að forgangsraða. En verkefnastaðan væri góð eins og staðan væri í dag. 

Tengdar fréttir

Breytingar á klukku

Grænlendingar skipta um tímabelti

• Sumartími í næstsíðasta sinn
• Örlög klukkunnar ráðast í mars
• Svandís vill seinka klukkunni
• Birt­u­stund­um myndi fækka um 130 á ári

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: ÞAÐ ER MIKIÐ AÐ EITTHVAÐ AF VITI KEMUR FRÁ ÞINGMÖNNUM …