Björgunarsveitin Dalbjörg í Eyjafirði og Súlur, björgunarsveitin á Akureyri hafa verið kallaðar út og búa sig til brottfarar á Vatnahjalla eftir að boð bárust frá SPOT sendi á eða við Urðarvötn. Þetta kemur fram í tilkynningu frá Slysavarnarfélaginu Landsbjörgu.

Vitað er að fjórir erlendir ferðamenn eru með viðkomandi sendi. Sveitirnar fara á tveimur snjóbílum og vélsleðum á staðinn. Komist þær hefðbundna leið upp á Vatnahjalla er ekki langt að fara en reynist sú leið ekki fær þarf að fara langar leiðir til að komast að ferðamönnunum.

Björgunarsveitir hafa verið að störfum víða um land í dag. Björgunarsveitin Blakkur á Patreksfirði sinnti ófærðaraðstoð á Mikladal fyrir hádegi og rýmingu húsa vegna snjóflóðahættu nú síðdegis. Tálkni á Tálknafirði aðstoðaði vegfarendur á Hálfdáni fyrir hádegi.

Í Vestmannaeyjum hefur Björgunarfélagið verið kallað út tvisvar sinnum, í annað skiptið þegar þakplötur losnuðu og hitt skiptið þegar þakkantur var að fjúka.

Sveitir í Vogum á Vatnsleysuströnd og Þorlákshöfn hafa einnig sinnt foktjónum í dag og Björgunarsveitin Jökull í Jökuldal aðstoðaði ökumann sem festi bíl sinn um 5 km utan Egilsstaða.

Tengdar fréttir

Óveður í febrúar 2015

Sá kaldasti í sjö ár

• Óvissustigi aflétt að hluta
• Rafmagn fór af Flateyri
• Hættustigi aflýst
• Veðrið í vetur það sem koma skal?

» Fleiri tengdar fréttir

• 1 blogg um fréttina

Bloggað um fréttina

• Helga Dögg Sverrisdóttir: Enn beygja blaðamenn mbl.is nafn Landsbjargar vitlaust