Hvasst verður vestanlands, sums staðar stormur og víða skafrenningur með éljum að sögn veðurfræðings Vegagerðarinnar. Veður fer versnandi á leiðinni austur fyrir Fjall og á Mosfellsheiðinni með kófi og takmörkuðu skyggni um tíma í kvöld.

Eins við Akrafjall og í Melasveit. Í nótt dregur smámsaman úr snjókomu vindi á norðanverðum Vestfjörðum, en hríðarverður og hvass vindur með skafrenningi á Norður- og Norðausturlandi til morguns.

Lokað er um Súðavíkurhlíð og Raknadalshlíð við Patreksfjörð vegna snjóflóðahættu.

Færð og aðstæður

Það er hálka og skafrenningur á Hellisheiði og í Þrengslum. Snjóþekja og hálka eru á Suðurlandi. Hálka er á Suðurstrandavegur og Eyrarbakkavegi að Selfossi.

Þæfingsfærð með stórhríð er á Holtavörðuheiði og Bröttubrekku. Ófært er á Fróðárheiði. Hálka og skafrenningur í Svínadal en annars er hálka eða hálkublettir á Vesturlandi og eitthvað um snjókomu eða éljagang.

Á Vestfjörðum er ófært á fjallvegum, til Flateyrar og Suðureyrar. Súðavíkurhlíð og Raknadalshlíð við Patreksfjörð eru lokaðar. Þungfært er í Ísafjarðardjúpi og einnig er orðið þungfært og stórhríð á Hjallahálsi.

Á Norðurlandi er hálka eða snjóþekja og víða er skafrenning eða éljagangur.

Hálka og snjóþekja er á Austurlandi og éljagangur víða.

Hálka, snjóþekja, hálkublettir og éljagangur er með suðausturströndinni.

Tengdar fréttir

Óveður í febrúar 2015

Sá kaldasti í sjö ár

• Óvissustigi aflétt að hluta
• Rafmagn fór af Flateyri
• Hættustigi aflýst
• Veðrið í vetur það sem koma skal?

» Fleiri tengdar fréttir

• Blogga um frétt