Mottumars var settur um borð í frystitogaranum Helgu Maríu í Reykjavíkurhöfn í dag. Mottumars er árvekni- og fjáröflunarátak Krabbameinsfélagsins í baráttunni gegn krabbameini hjá körlum, en í ár er sérstök áhersla lögð á umræðu um leit að ristilkrabba.

Slagorð átaksins í ár er „Hugsaðu um eigin rass“.

„Ristilkrabbamein er eitt algengasta krabbamein hjá körlum hér á landi en á hverju ári greinast rúmlega 70 karlar með þetta krabbamein,“ segir í tilkynningu frá Krabbameinsfélaginu. „Nýgengi hefur verið að aukast, einkum hjá körlum en ristilkrabbamein er eitt af fáum krabbameinum sem unnt er að greina á forstigi og byrjunarstigi. Með skipulagðri leit má því fækka sjúkdómstilfellum verulega og bjarga mannslífum. Mikilvægt er því að þekkja einkennin og þeir sem eru 50 ára og eldri ættu að ræða við sinn lækni um leit að ristilkrabbameini.“

Við setninguna í dag afhjúpaði Kristján Þór Júlíusson  heilbrigðisráðherra skegg á brú frystitogarans og þá var nokkrum herramönnum boðið upp á rakstur. Jens Garðar Helgason, formaður Samtaka fyrirtækja í sjávarútvegi, sem eru aðalstyrktaraðili Mottumars í ár og næstu tvö ár, hélt stutt erindi þar sem hann sagði m.a. að í sjávarútvegi störfuðu 9.000 manns með beinum hætti og samstarfinu væri m.a. ætla að koma fræðslu til þessa hóps betur til skila.

Árlega greinast um 750 íslenskir karlar með krabbamein.

Drúídar tóku forystuna í Mottumars

Tengdar fréttir

Mottumars

Mottumarssokkarnir eru líflegir í ár

• Forsetinn glæsilegur í fyrsta sokkaparinu
• „Bjór, mottur og hlátur“
• Öll áheitin frá flatböku
• Þjóhnappadillið dregur að

» Fleiri tengdar fréttir

• Blogga um frétt