Að minnsta kosti fjórar flugvélar hafa lent á Reykjavíkurflugvelli nú síðdegis og tvær á Akureyrarflugvelli þar sem ekki reyndist mögulegt að lenda á Keflavíkurflugvelli vegna veðurs.

Samkvæmt upplýsingum frá Isavia er hefur verið hvasst á Keflavíkurflugvelli nú síðdegis og dimm él. Þá eru bremsuskilyrði á flugbrautum erfið og þar með geta orðið tafir á lendingum á vellinum. Því hafi flugmenn nokkurra véla ákveðið að lenda í Reykjavík eða á Akureyri.

Guðjón Arngrímsson, upplýsingafulltrúi Icelandair, segir að vegna slæms veðurs og brautarskilyrða hafi tvær flugvélar félagsins ekki getað lent í Keflavík í dag. Önnur hafi lent á Reykjavíkurflugvelli og hin á Akureyrarflugvelli. 

Hann segir að seinkun sé á öllu flugi í kvöld.

Hér má sjá lista yfir komur og brottfarir frá Keflavíkurflugvelli.

Tengdar fréttir

Ófærð á Holtavörðuheiði

Stofnandi lyfjafyrirtækis dæmdur í ópíóðamáli

• Holtavörðuheiðin orðin fær
• Verið að ryðja Holtavörðuheiði
• Lognið á undan storminum
• Með um 300 í gistingu

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Gildi Reykjavíkurflugvallar.