„Mér finnst miklar fréttir í því að úthluta eigi makrílkvóta aðeins til sex ára, sem er grundvallarbreyting á því kerfi sem við höfum búið við,“ sagði Kolbeinn Árnason, framkvæmdastjóri SFS, spurður um makrílfrumvarpið.

Þá telur hann einkennilegt að leggja sérstakt 10 kr. gjald á hvert kíló af makríl. Heildargjöld á makríl verði 18 kr./kg samanborið við 13 kr. sem greiddar eru af þorski. Markaðsverð á þorski sé 300-400 kr. kílóið en markaðsverð á makríl 50-70 kr.

Í umfjöllun um mál þetta í Morgunblaðinu í dag segir Örn Pálsson, framkvæmdastjóri Landssambands smábátaeigenda, makrílfrumvarpið vera rothögg fyrir smábátasjómenn. Hann taldi að stjórnvöld hefðu gleymt því að rúmlega 120 smábátasjómenn, sem stunda makrílveiðar, sæktu tekjur sínar fyrst og fremst í gegnum veiðar en ekki vinnslu. Hann vill að smábátar fái meira en 5% af makrílkvótanum.

Tengdar fréttir

Kvótafrumvarp

Skilar smám saman auknum heimildum

• Mikið fer til samfélagsins
• Álagning veiðigjalda minnkaði
• Óháð úttekt til að skapa sátt
• Þrjú útgerðarfélög fengu 21,5%

» Fleiri tengdar fréttir