Gísli Freyr greiðir Omos bætur
Setja bókamerki
Lögð verður fram sátt í skaðabótamáli Tony Omos gegn Gísla Frey Valdórssyni, fyrrverandi aðstoðarmanni Hönnu Birnu Kristjánsdóttur innanríkisráðherra, í Héraðsdómi Reykjavíkur síðar í dag.
Gísli Freyr játaði á síðasta ári að hafa lekið persónuupplýsingum um Omos sem birtust í fjölmiðlum og krafði hann Gísla Frey um fimm milljónir króna í bætur.
Ákveðið var að leita sátta í málinu og hafa mennirnir tveir nú komist að samkomulagi um fjárhæð sem Gísli Freyr greiðir Omos.
Ekki fást upplýsingar um upphæð skaðabótanna. Ólafur Garðarsson, lögmaður Gísla Freys, sagði aðspurður í samtali við mbl.is að Omos hefði beðið um að þessum upplýsingum yrði haldið leyndum.
Gísli Freyr gerði sátt í sambærilegu máli sem Evelyn Glory Joseph höfðaði gegn honum vegna leka á trúnaðarupplýsingum.
Frétt mbl.is: Reynir að ná sátt við Tony Omos
Bjarni: „Útilokað að þetta geti gengið upp“
Stormur á Þorláksmessu en víðast hvar stefnir í hvít jól
Skattamál verði líklega „þeirra mesta klemma“
„Börn heima sem maður myndi vilja hafa í skjóli“
Ný ríkisstjórn kynnt á morgun
Funda með þingflokkum
Alvarleg netárás á Wise
