Áfrýja máli Snorra til Hæstaréttar
Setja bókamerki
Bæjarráð Akureyrar ákvað á fundi sínum í morgun að áfrýja til Hæstaréttar Íslands niðurstöðu Héraðsdóms Norðurlands eystra frá 10. apríl sl. í máli Akureyrarkaupstaðar gegn Snorra Óskarssyni og innanríkisráðuneytinu til réttargæslu.
Snorri var í byrjun apríl sýknaður af kröfum bæjarsins í héraðsdómi Norðurlands eystra. Bærinn krafðist þess að úrskurður innanríkisráðuneytisins, um að uppsögn Snorra frá störfum við Brekkuskóla á Akureyri væri ólögmæt, yrði felldur úr gildi.
„Afar brýnt er að fá úrskurð Hæstaréttar um mörk tjáningarfrelsis kennara í grunnskólum og ábyrgð þeirra þegar kemur að umfjöllun um minnihlutahópa,“ segir í tilkynningu frá Akureyrarbæ um málið.
„Eðli málsins samkvæmt geta kjörnir fulltrúar Akureyrarkaupstaðar og embættismenn bæjarins ekki tjáð sig frekar um einstaka þætti þessa máls fyrr en niðurstaða Hæstaréttar liggur fyrir,“ segir ennfremur í tilkynningunni.
Barn lést í árásinni
Forstjóri bendir á ábyrgð birgja vegna verðhækkana
Víkingar komnir yfir 800 milljónir í greiðslur
Lát hjóna í Neskaupstað: Ákæra gefin út
Stormur á Þorláksmessu en víðast hvar stefnir í hvít jól
Fyrsti blaðamannafundurinn í heild sinni
Ók á hóp fólks á jólamarkaði: Einn látinn
„Börn heima sem maður myndi vilja hafa í skjóli“
