Starfsfólk Fiskistofu skorar á Sigurð Inga Jóhannsson sjávarútvegsráðherra að draga ákvörðun sína um að flytja höfuðstöðvar Fiskistofu til Akureyrar til baka. 

Í áskorun sem starfsmenn samþykktu á almennum fundi í dag segir: 

• Starfsmönnum Fiskistofu verði þegar í stað gerð formlega grein fyrir stöðu málsins og hvers vænta megi um framhaldið.
• Vegna langvarandi óvissu hefur fjöldi starfsmanna nú þegar hrakist úr störfum sínum og ekki hefur verið hægt að ráða í þær stöður.
• Komið er að þolmörkum þess að stofnunin geti sinnt lögbundnum verkefnum sínum vegna þess ástands sem hefur verið viðvarandi undanfarin misseri.
• Nú þegar hefur orðið mikið þekkingarrof hjá stofnuninni og fyrirsjáanlegt er að það muni aukast ef fram fer sem horfir.

„Starfsmenn Fiskistofu skora á sjávarútvegs- og landbúnaðarráðherra að draga ákvörðun um flutning Fiskistofu þegar til baka og forða þannig stofnuninni og starfsmönnum hennar frá enn frekari skaða en orðinn er,“ segir í tilkynningu. 

Tengdar fréttir

Flutningur Fiskistofu til Akureyrar

Enginn fer norður nema forstjórinn

• Fiskistofa norður um áramótin
• Vilja tryggja að staðið verði við yfirlýsingar
• Flutningur tekur 15 til 20 ár
• Ekki í stríði við starfsmenn Fiskistofu

» Fleiri tengdar fréttir

• 1 blogg um fréttina

Bloggað um fréttina

• Jón Ingi Cæsarsson: Landið er stjórnlaust.