Vestmannaeyjaferjan Herjólfur sigldi í Landeyjahöfn síðdegis í gær, það er fyrstu ferðina síðan í nóvemberlok í fyrra. Á síðustu dögum hafa dæluskip verið notuð til að fjarlægja sand frá höfninni svo þar er nú orðið fært inn á flóði.

„Sundið milli lands og Eyja var spegilslétt og siglingin gekk vel. Minnsta dýpi undir skipið í Landeyjahöfn var 2,5 metrar og það er feikinóg. Þó á eftir að dæla talsvert miklu af sandi enn, svo skipið komist líka inn á fjöru,“ segir Steinar Magnússon, skipstjóri á Herjólfi, í samtali í Morgunblaðinu í dag.

Mikil gleði var á meðal Eyjamanna í gær þegar Eimskip tilkynnti að Herjólfur myndi sigla sína fyrstu ferð til Landeyjahafnar síðdegis. Gunnlaugur Grettisson, rekstrarstjóri Herjólfs, segir aðstæður hafa verið eins og best verður á kosið, fyrir utan dýpið, en Herjólfur sigldi inn á flóði í gær. Björgun ehf. vinnur áfram að dýpkun hafnarinnar og segir hann að fyrst um sinn taki áætlunarferðir Herjólfs mið af sjávarföllum.

Tengdar fréttir

Landeyjahöfn

Landeyjahöfn „eitt mesta verkfræðislys seinni ára“

• Þörf á endurbótum á Landeyjahöfn
• Mannvit tekur út Landeyjahöfn
• Gerð verði óháð úttekt á Landeyjahöfn
• Umhverfisáhrif dýpkunar Landeyjahafnar metin

» Fleiri tengdar fréttir