Segir Skagafjörð „Sikiley Íslands“
Setja bókamerki
„Skagafjörður er Sikiley Íslands,“ segir Birgitta Jónsdóttir, kafteinn Pírata, á Facebook-síðu sinni en tilefnið er umfjöllun á fréttavefnum Stundin þar sem gert er að því skóna að ákvörðun ríkisstjórnarinnar um að hætta umsóknarferlinu að Evrópusambandinu snúist ekki síst um hagsmuni Kaupfélags Skagfirðinga og íbúa Skagafjarðar. Ekki síst með tilliti til útflutnings á lambakjöti til Rússlands. Útflutningur á makríl vegi þó þyngst í vaxandi útflutningi til landsins.
Sikiley, sem hluti Ítalíu, er þekkt meðal annars fyrir tengsl eyjarinnar við ítölsku mafíuna Cosa Nostra. Líflegar umræður hafa skapast um ummælin á Facebook-síðu Birgittu og eru skiptar skoðanir um samlíkinguna. Sumir taka undir ummælin en öðrum þykir ómaklega vegið að Kaupfélagi Skagfirðinga og Skagfirðingum.
„Þetta er ljót mynd“
Ísrael rýfur öll tengsl við UNRWA
Boða umbreytingu í grunnskólanum
58,6 milljarða halla spáð á næsta ári
„Við vorum alveg á nippinu“
Hvað verður um sakamálin ef Trump vinnur? Eða tapar?
Maðurinn sem lést var íslenskur