„Hann á ekki hlut í blaðinu“
Setja bókamerki
„Forsætisráðherra fjármagnaði ekki kaup Pressunnar á DV. Hann á ekki hlut í blaðinu,“ skrifar Björn Ingi Hrafnsson, útgefandi DV, á Facebook-síðu sína. Tvær konur voru handteknar á föstudag grunaðar um að reyna að kúga fé út úr forsætisráðherra, Sigmundi Davíð Gunnlaugssyni. Í frétt Vísis segir að í bréfi, sem konurnar sendu Sigmundi, hafi því verið hótað að gera opinberar upplýsingar um meint fjárhagsleg tengsl hans og Björns Inga, m.a. upplýsingar um kaup Björns Inga á DV.
„Ég er harmi sleginn yfir fregnum dagsins,“ skrifar Björn Ingi. „Hugur minn er hjá þeim sem um sárt eiga að binda vegna þessa máls. Forsætisráðherra fjármagnaði ekki kaup Pressunnar á DV. Hann á ekki hlut í blaðinu. Að öðru leyti óska ég eftir því að tekið sé tillit til þess að hér er mannlegur harmleikur á ferðinni og að aðgát skuli höfð í nærveru sálar.“
Konurnar tvær hafa játað að senda bréf til ráðherrans.
Frétt mbl.is: Grunaðar um að reyna að kúga fé af Sigmundi
Harris segir Trump hafa vanvirt helga jörð
Dómari telur að Daði hafi logið
„Vandamálið er ekki fólkið hérna inni“
Hinn almenni Íslendingur tengi ekki við flokkinn í dag
Einn játað sök í stóra fíkniefnamálinu
„Það ber enginn meiri ábyrgð á stöðu flokksins en ég“
Bæjarstjórinn ósammála ritara Sjálfstæðisflokksins
