Frumvarp ríkisstjórnarinnar um lög á verkfallsaðgerðir BHM og Félags íslenskra hjúkrunarfræðinga var samþykkt á Alþingi í kvöld að lokinni þriðju umræðu. Lögin taka þegar gildi samkvæmt frumvarpinu og verkfallsaðgerðum félaganna, sem staðið hafa yfir undanfarnar vikur, er þar með lokið.

Frumvarpið var samþykkt með 30 atkvæðum gegn 19. Fjórtán þingmenn voru fjarverandi. Breytingatillögu stjórnarandstöðunnar var hafnað með sama atkvæðamun og sömuleiðis till-gu stjórnarandstöðunnar um að málinu yrði vísað frá. Frumvarpið var lagt fram í gær og fyrstu umræðu lokið í gærkvöldi. Málið var tekið fyrir í allsherjar- og menntamálanefnd Alþingis í morgun og önnur og þriðja umræða fóru í kjölfarið fram í dag.

Stjórnarandstæðingar hafa harðlega gagnrýnt frumvarpið og kallað eftir því að það yrði dregið til baka. Hafa þeir sakað ríkisstjórnina um að svipta BHM og Félags íslenskra hjúkrunarfræðinga verkfallsrétti sínum. Stjórnarliðar sögðu að það væri alltaf erfið ákvörðun að setja lög á verkfall en að ríkir almannahagsmunir krefðust þess í þessu tilfelli. Ekki síst sjúklinga.

Verkfall BHM náði til meðal annars til Dýralæknafélags Íslands, Félags geislafræðinga, Ljósmæðrafélag Íslands og Stéttarfélags lögfræðinga (SL) hjá Sýslumanninum á höfuðborgarsvæðinu.

Tengdar fréttir

Kjaraviðræður

Börn hafi engan rétt á leikskólakennslu

• „Það er bara góð vinna í gangi“
• Á algjöru frumstigi eftir þrjár vikur af verkfalli
• Ekki sátt með tilkynningu á vef KÍ
• „Enginn farinn að öskra og arga“

» Fleiri tengdar fréttir

• 4 blogg um fréttina

Bloggað um fréttina

• Valdimar Samúelsson: Það verður að koma þessum verkalýðsforkólfum út til Rússlands, þessir …
• Axel Jóhann Hallgrímsson: Skítapakk
• Magnús Helgi Björgvinsson: Nokkur fuðurleg atrið varðandi þessi lög á verkföllinn
• Óðinn Þórisson: Vond niðurstaða en rétt fyrir þjóðina