Rétt í þessu var afhjúpuð stytta af Ingibjörgu H. Bjarnason, fyrstu konunni til þess að taka sæti á þingi á Íslandi, á Austurvelli við hátíðlega athöfn. Í máli forseta Alþingis, Einars K. Guðfinnssonar, kom fram að styttan væri jafnframt fyrsta heila höggmyndin af nafngreindri konu í Reykjavík.

Margmenni er nú á Austurvelli til þess að fylgjast með hátíðarhöldunum. Vigdís Finnbogadóttir fyrrverandi forseti Íslands hélt ávarp og kvenna- og stúlknakórar hafa sungið fyrir viðstadda.