Innlent | Morgunblaðið | 6.7.2015 | 5:30 | Uppfært 10:14

Víkingaskip frá Tóbagó

Skipið Drakar er 76 fet eða 24 metrar að lengd, 6,25 á breidd og vegur um 50 tonn.

Sverrir Einar Eiríksson hefur fest kaup á víkingaskipi í Trínidad og Tóbagó og er áætlað að sigla því hingað til lands til að nota við ferðamennsku úr Reykjavíkurhöfn.

Skipið er smíðað árið 2007 í Brasilíu af manni sem kolféll fyrir víkingasögum og ákvað að smíða víkingaskip eftir teikningu sem hann fékk frá norsku safni og er sjálft Gaukstaðaskipið fyrirmyndin. Í viðtali í Morgunblaðinu vill Sverrir ekki gefa upp kostnaðinn við skipakaupin.

„Það hefur verið í umræðunni að fá víkingaskip hingað til lands, bjóða ferðamönnum upp á siglingu og fara yfir víkingasöguna um leið. Svo fannst þessi bátur, hann var keyptur og nú er bara eftir að koma honum heim,“ segir Sverrir.

Facebook-síða skipsins.