„Ég býst ekki við öðru en að þetta fari til gerðardóms,“ segir Gunnar Björnsson, formaður samninganefndar ríkisins, um nýfelldan kjarasamning Félags íslenskra hjúkrunarfræðinga við ríkið. 

Frétt mbl.is: Hjúkrunarfræðingar felldu samninginn

Hann segir að þegar samningar séu gerðir með fyrirvara á borð við þann sem nú var felldur fari málin í raun aftur á sama reit og þau voru fyrir samningsgerð. Þá stóð til að málið færi í gerðardóm. „Nú er staðan í raun og veru sú sama.“ Hann segir niðurstöðuna ekki koma sér ýkja mikið á óvart í ljósi umræðu síðustu vikna.

Ólafur G. Skúlason, formaður Félags íslenskra hjúkrunarfræðinga, sagði í samtali við mbl.is í dag að hjúkrunarfræðingar teldu skipun gerðardómsins ekki standast lög. Þannig yrði líklega látið reyna á réttmæti þess fyrir dómstólum. Gunnar segir eðlilegt að deiluaðilar séu ósammála, en tekur ekki frekari afstöðu til fullyrðinga Ólafs. „Þeir verða þá bara að láta reyna á það.“

Tengdar fréttir

Kjaraviðræður

Kennarar og læknar í Karphúsið að nýju klukkan níu

• Vonir bundnar við morgundaginn
• „Ekki úr háum söðli að detta“
• Hjúkrunarfræðingar samþykkja samning
• Fundur hafinn hjá kennurum, ríki og sveitarfélögum

» Fleiri tengdar fréttir

• Blogga um frétt