Orðið drusla þarf ekki að vera neikvætt að sögn skipuleggjenda hinnar árlegu Druslugöngu, sem fram fer næsta laugardag. Markmiðið göngunnar er að færa ábyrgð frá þolendum kynferðisbrota yfir á gerendur. Þannig geti hlutir á borð við ástand eða klæðaburð þolenda aldrei gert þá ábyrga fyrir ofbeldi sem þeir verða fyrir.
Þær María Rut og Sunna Ben búast við fjölmenni í miðborg Reykjavíkur næsta laugardag, enda hafi orðið mikil vitundarvakning og viðhorfsbreyting í málaflokknum undanfarin ár. Um 11.000 manns mættu í göngu síðasta árs, en María og Sunna vilja helst tvöfalda þann fjölda um helgina.
Gangan verður farin frá Hallgrímskirkju klukkan 14:00, niður Skólavörðustíg, Bankastræti og mun enda á Austurvelli þar sem við taka fundarhöld og tónleikar. Hér má sjá Facebook viðburð göngunnar.