Opnað fyrir umferð í Ártúnsbrekku

Opnað hefur verið fyrir umferð upp Ártúnsbrekku til austurs, en veginum var lokað á níunda tímanum í morgun eftir að vöruflutningabíll valt neðst í brekkunni. Miklar tafir hafa verið á umferð í borginni vegna lokunarinnar undanfarnar klukkustundir, en sjá má bíl við bíl á helstu göt­um í ná­grenn­inu, svo sem á Breiðholts­braut, Stekkj­ar­bakka og upp að Suður­lands­vegi.

Frétt mbl.is: Umfangsmiklar aðgerðir í Ártúnsbrekku

Bíllinn flutti möl sem dreifðist um veginn þegar hann valt, en talsverðan tíma tók að hreinsa hana burt og koma bílnum á réttan kjöl. Ökumaðurinn var fluttur á slysadeild, en vakthafandi læknir veitir engar upplýsingar um líðan hans.

Fréttir mbl.is:

Bíll við bíl á Breiðholtsbraut

Umfangsmiklar aðgerðir í Ártúnsbrekku

Ártúns­brekka lokuð í austurátt

• Blogga um frétt