Erlendum ferðamönnum hefur fjölgað víðar en á Íslandi og misjafnt er hvernig áfangastaðir eru undir það búnir að taka á móti auknum fjölda.
Ýmsar hugmyndir eru um hvernig taka eigi á málum, t.d. íhuga borgaryfirvöld í Feneyjum að krefjast gjalds inn á Markúsartorgið og borgarstjórinn í Barselóna hefur bannað byggingar hótela næsta árið.
Í umfjöllun um mál þessi í Morgunblaðinu í dag segir Skapti Örn Ólafsson, upplýsingafulltrúi Samtaka ferðaþjónustunnar, að hugsanlega megi skoða aðgangsstýringu á vinsælustu staðina hér á landi.