Lögreglunni á höfuðborgarsvæðinu bárust tilkynningar um 19 kynferðisbrot í síðasta mánuði sem 33% aukning frá því í júní. Þetta eru fleiri brot en að meðaltali síðustu þrjá mánuði á undan sem og síðustu 12 mánuði. Þetta er meðal þess sem kemur fram í afbrotatölfræði lögreglunnar á höfuðborgarsvæðinu fyrir júlí.

Kynferðisbrotum hefur hins vegar fækkað um 23% samanborið við sama tímabil síðustu þriggja ára. En fjölgað um tíu brot miðað við sama tíma í fyrra. Mikill fjöldi kynferðisbrota var tilkynntur í byrjun árs 2013 í kjölfar mikillar fjölmiðlaumræðu um kynferðisbrot, sem dregur upp meðaltalið.

Lögreglunni á höfuðborgarsvæðinu bárust 752 tilkynningar um hegningarlagabrot í júlí. Tilkynningum fækkaði lítillega á milli mánaða, en voru þó fleiri miðað við meðaltal síðustu 12 mánaða. Ofbeldisbrotum fækkaði nokkuð á milli mánaða og var fjöldi þeirra svipaður meðaltali síðustu 12 mánaða.

Eins fækkaði fíkniefnabrotum töluvert, en ekki hafa komið upp eins fá fíkniefnamál á mánuði síðan í desember árið 2013. Alls voru fíkniefnabrotin 94 í júlí sem er nokkur fækkun brota miðað við júnímánuð. Það sem af er ári hafa komið 818 fíkniefnabrot til kasta lögreglunnar á höfuðborgarsvæðinu en í fyrra urðu málin alls 1130 talsins.

Í júlí voru 78 ökumenn teknir fyrir akstur undir áhrifum fíkniefna en 63 undir áhrifum áfengis. Alls hafa 510 ökumenn af þeim sem lögreglan hefur stöðvað verið í fíkniefnavímu í umferðinni á höfuðborgarsvæðinu þar sem af er ári en 392 undir áhrifum áfengis. 

Tengdar fréttir

Karl Vignir Þorsteinsson og kynferðisbrot hans

Dómur staðfestur yfir Karli Vigni

• Karl Vignir fyrir dómi
• Karl Vignir ákærður
• Rannsókn á máli Karls Vignis lokið
• Tilkynnt um 42 brot gegn börnum

» Fleiri tengdar fréttir

Kynferðisbrot

Háttsemin fól í sér misnotkun á líkama stúlkunnar

• Braut gegn barni sem svaf
• Refsing leigubílstjóra fyrir kynferðisbrot milduð
• Gekk inn í kvennaklefa og áreitti unglingsstúlku
• Níðingar nálgast börn í gegnum Playstation

» Fleiri tengdar fréttir

• Blogga um frétt