Lögreglunni á Suðurlandi barst tilkynning á lögreglustöðina á Höfn í Hornafirði um líkfund í Laxárdal í Nesjum í gær. Ekki hafa verið borin kennsl á líkið. Kennslanefnd hefur gefið út að líkið sé af ungum karlmanni.

Fram kemur í tilkynningu frá lögreglunni á Suðurlandi, að tilkynningin hafi borist á fimmta tímanum í gær. 

 Lögreglumenn á Höfn fóru þegar á vettvang. Landhelgisgæslan lagði til þyrlu til að flytja rannsóknarlögreglumann frá rannsóknardeild lögreglunnar á Suðurlandi, lögreglumenn úr Kennslanefnd ríkislögreglustjóra, rannsóknarlögreglumann frá Tæknideild lögreglunnar á höfuðborgarsvæðisins og réttarlækni á staðinn.

„Ekki hefur verið borin kennsl á líkið. Kennslanefnd hefur gefið út að líkið sé af ungum karlmanni um það bil 186 sentimetrar á hæð með ljóst axlasítt hár klætt í svarta strigaskó með hvítri stjörnu á hlið, dökkbláar íþróttabuxur og hettupeysu með áletrun að framan „QUICKSILVER“. Ætla má að maðurinn hafi látist fyrir einhverjum mánuðum síðan. Málið er í rannsókn og ekkert hægt að segja til um á þessu stigi með hvaða hætti andlát mannsins bar að.

Tengdar fréttir

Líkfundur í Laxárdal

Ungi Frakkinn varð líklega úti

• Átti aðeins miða aðra leið
• Ræddu við starfsfólk hótelsins
• Ræða við fjölskyldu Frakkans
• Gisti eina nótt í Reykjavík

» Fleiri tengdar fréttir