Varað við mikilli úrkomu
Setja bókamerki
Von er á mikilli rigningu á Snæfellsnesi, í Barðastrandasýslum og undir Eyjafjöllum að sögn Veðurstofu Íslands, sem hefur sent frá sér viðvörun. Búast má við stormi (vindhraði meiri en 20 metrar á sekúndur) á miðhálendinu.
Spár sýna fram á mikinn lægðagang í vikunni og því ljóst að vikan verður vætu- og vindasöm.
„Á mánudegi og aðfaranótt þriðjudags er spáð mikilli úrkomu á vestanverðu landinu frá sunnanverðum Vestfjörðum um Snæfellsnes austur í Ölfus.
Aðfaranótt miðvikudags fer önnur lægð yfir með mikilli úrkomu frá Snæfellsnesi að sunnanverðum Vatnajökli. Aðfaranótt fimmtudags fram á föstudagsmorgun er svo búist við mikilli úrkomu á svæðinu frá Mýrdalsjökli að sunnanverðum Austfjörðum.
Í slíku vatnsveðri má búast við vatnavöxtum í ám og lækjum þar sem veðrið gengur yfir, svo fólki á ferð er bent á að sýna varkárni og fylgjast með veðurspám. Fylgst verður með skriðuhættu í tengslum við þetta vatnsveður,“ segir í viðvörun frá Veðurstofunni.
Svandís nýr formaður og Guðmundur varaformaður
„Ömurlegt“ að rifja manndrápið upp
Svandís: Skuli stefnt að kosningum í vor
Skýr skilaboð um að flýta vinnunni
„Ég bjóst ekki við þessum mikla halla“
Leggur fram vantrauststillögu á oddvitann
Ályktun samþykkt: Stefna að kosningum í vor
Svandís muni pína Sjálfstæðisflokkinn