Trúnaðarmannaráð SFR - Stéttarfélags í almannaþjónustu samþykkti einhljóða á fundi í dag að boða til atkvæðagreiðslu um verkfallsboðun félagsins. Kosning hefst á næstunni og á að ljúka 27. september. Hægt væri að kalla til verkfalls þegar 13. október.

Verði verkfallið að veruleika mun það valda talsverðri truflun m.a. á Landspítala þar sem 1033 félagsmenn SFR vinna í 732 stöðugildum samkvæmt heimildum Morgunblaðsins. Félagið hefur höfðað mál til þess fá hnekkt mati spítalans á því hvaða störf teljast varða öryggi og heilsu á spítalanum en þar eru undir yfir þrjú hundruð störf sem félagið telur sum hver ekki varða öryggi né heilsu og spítalinn telji t.d. ýmis skrifstofustörf meðal þeirra.

SFR hefur verið í samfloti með Landssambandi lögreglumanna og Sjúkraliðafélaginu og hafa félögin krafist sömu kjarabótar og hjúkrunarfræðingum voru dæmdar í gerðardómi. Nokkuð ber á milli þeirra krafna og þeirra kjara sem samninganefnd ríkisins hefur boðið.

Innan Sjúkraliðafélagsins hafa kröfur um aðgerðir einnig gerst háværar en lögreglumenn hafa ekki verkfallsrétt.

Tengdar fréttir

Kjaradeila sjúkraliða

Boðar atkvæðagreiðslu um verkfall

• Samningur undirritaður í Karphúsinu
• Samningur í höfn hjá sjúkraliðum
• Samningar að nást hjá sjúkraliðum
• Verkfall hefst klukkan átta

» Fleiri tengdar fréttir

Kjaraviðræður

„Það er bara góð vinna í gangi“

• Á algjöru frumstigi eftir þrjár vikur af verkfalli
• Ekki sátt með tilkynningu á vef KÍ
• „Enginn farinn að öskra og arga“
• Gera ekki ráð fyrir að samhljómurinn verði rofinn

» Fleiri tengdar fréttir

• Blogga um frétt