„Fullnaðarsigur í Icesave-málinu“
Setja bókamerki
„Óska landsmönnum til hamingju með fullnaðarsigur í Icesave-málinu. Hollendingar og Bretar hafa fallið frá öllum kröfum vegna Icesave-málsins og taka því sem þeim hefur staðið til boða frá upphafi. Málinu endanlega lokið.“
Þetta segir Sigmundur Davíð Gunnlaugsson forsætisráðherra á Facebook-síðu sinni í kvöld. Vísar hann til samkomulags á milli Tryggingasjóðs innistæðueigenda og fjárfesta (TIF) við hollenska seðlabankans og breski innstæðutryggingasjóðsins um lokauppgjör krafna sem Landsbanki Íslands safnaði í útibúum sínum í Amsterdam og London undir vörumerkinu Icesave.
Bresk og hollensk stjórnvöld ákváðu að beina kröfum sínum að TIF, sem er sjálfseignarstofnun sem fjármálafyrirtæki hér á landi eiga aðild að, eftir að EFTA-dómstóllinn kvað upp þann dóm í byrjun árs 2013 að íslenska ríkið væri ekki ábyrgt fyrir Icesave-innistæðunum. Áður hafði tveimur samningum um málið verið hafnað í þjóðaratkvæðagreiðslum þar sem gert var ráð fyrir að ábyrgðin á innistæðunum félli á ríkið.
Samið var um að TIF greiddi hollenska seðlabankanum og breska innistæðutryggingasjóðnum 20 milljarða króna en upphafleg krafa á hendur sjóðnum hljóðaði upp á tæpa 556 milljarða króna. Stærstan hluta þess fjármagns hafa Bretar og Hollendingar fengið úr þrotabúi Landsbanka Íslands í samræmi við neyðarlögin sem sett voru í kjölfar falls viðskiptabankanna þriggja haustið 2008.
„Einhverjir töfrar sem gerast“
Telja sig geta rekið Grindavík til 2026
„Allt í rusli“ við brúargerð á Vestfjörðum
Sleginn yfir grófri framkomu gegn fjölskyldunni
Munu áfrýja beint til Hæstaréttar
Komu fólki til aðstoðar í Ísafjarðardjúpi
Glíma enn við eftirköst E.coli-smits í Efstadal