Fyr­ir milli­göngu MP banka vildi ótil­greind­ur líf­eyr­is­sjóður kaupa hluta­bréf í Sím­an­um á geng­inu 3,45 af fjárfestum sem eignuðust hlut í Símanum í kjölfar fjárhagslegrar endurskipulagningar fyrirtækisins.

Þetta gerðist í maí eða rúmum þremur mánuðum áður en Arion banki ákvað að selja fjárfestahópi, undir forystu forstjóra Símans, 5% hlutafjár í fyrirtækinu á genginu 2,5, að því er fram kemur í umfjöllun um mál þetta í Morgunblaðinu í dag.

Því er ljóst að í aðdraganda sölunnar var sjóður með mikla kaupgetu að reyna að kaupa hlutabréf í fyrirtækinu á 38% hærra gengi en því sem fjárfestahópurinn greiddi fyrir hlutinn í ágúst. Ólgu gætir meðal lífeyrissjóða eftir að greint var frá því að tveir hópar hefðu fengið að kaupa 10% hlut í Símanum á gengi sem var langt undir því gengi sem 21% hlutur í fyrirtækinu var seldur á í lok liðinnar viku.

Tengdar fréttir

Síminn á markað

Arion kaupir 36 milljóna hlut í Símanum

• Hlutabréfakaup Jóns ganga til baka
• Arion: Salan misráðin
• Ekki svigrúm fyrir svona framgöngu
• Stefnan skýr en var ekki framfylgt

» Fleiri tengdar fréttir