David Cameron nýtti tækifærið sem fólst í fyrstu embættisheimsókn bresks forsætisráðherra á lýðveldistímanum og færði Sigmundi Davíð tvö innrömmuð skjöl úr skjalasafni Winstons Churchills, þáverandi forsætisráðherra, þar sem fjallað er um heimsókn hans til Reykjavíkur í ágúst 1941.

Í fyrra skjalinu er skýrsla Howards Smith, sendiherra Breta á Íslandi, þar sem hann rekur umfjöllun Morgunblaðsins um ræðu Churchills af svölum Alþingishússins hinn 21. ágúst 1941.

Í seinna skjalinu er síðan ræðutexti Churchills sjálfs, leiðréttur með hans eigin rithendi, þar sem hann fjallar um viðdvöl sína hér á landi í kjölfar Atlantshafsfundarins með Roosevelt við Nýfundnaland, að því er fram kemur í umfjöllun um þessa atburði í Morgunblaðinu í dag.

Tengdar fréttir

David Cameron í heimsókn á Íslandi

Matargerð, orkumál og bók Einar Fals

• Cameron farinn af landi brott
• Breski fáninn sneri öfugt
• Cameron: Icesave að baki
• Kubbuðu endur úr legókubbum

» Fleiri tengdar fréttir