Klifraði upp á svalir Alþingishússins

Nóttin var erilsöm hjá Slökkviliði höfuðborgarsvæðisins en ekki var um stórvægleg verkefni að ræða. Var þrisvar tilkynnt um vatnstjón vegna vatnsleka á höfuðborgarsvæðinu en samkvæmt upplýsingum frá varðstjóra voru það ekki miklir lekar. Um klukkan tvö var kallaður út körfubíll til þess að ná manni sem hafði klifrað upp á svalir Alþingishússins. Einnig var sagt frá málinu í #löggutísti

Tilkynnt um mann á svölum Alþingishússins. Slökkvilið aðstoðar við að ná manninum. #löggutíst pic.twitter.com/voHHPWjCBA

— LRH (@logreglan) November 7, 2015

Á sjöunda tímanum var maður fluttur á slysadeild eftir að hafa ekið bifreið sinni á ljósastaur í Árbænum. Ekki liggur fyrir hvort hann sé alvarlega slasaður.

• Blogga um frétt