Rannsókn er lokið á tveimur kynferðisbrotum sem kærð voru í október og sögð hafa átt sér stað í risíbúð í Hlíðnunum. Þetta staðfestir Árni Þór Sigmundsson, yfirmaður kynferðisbrotadeildar lögreglunnar. Málin eru komin til ríkissaksóknara sem tekur ákvörðun um framhaldið.

Frétt mbl.is: Tvö kynferðisbrot til rannsóknar

Fréttablaðið sagði frá því í nóvember að íbúðin í Hlíðunum hefði verið búin útbúnaði til ofbeldisiðkunar og að árásirnar hefðu verið hrottalegar.

Frétt mbl.is: Krefjast leiðréttingar og miskabóta

Um var að ræða tvö aðskilin mál; nauðgun sem var sögð hafa átt sér stað eftir bekkjarskemmtun háskólanema á skemmtistaðnum Austur og aðra nauðgun sem var sögð hafa átt sér stað níu dögum eftir hina fyrri, eftir bekkjarskemmtun á Slippbarnum.

Frétt mbl.is: Fleiri kærur hafa ekki borist

Í fyrra málinu kom einn meintur gerandi við sögu en tveir í því seinna. Vilhjálmur H. Vilhjálmsson, lögmaður mannsins sem var kærður í báðum málum, staðfesti í samtali við mbl.is 17. nóvember sl. að skjólstæðingur sinn hefði kært meintan brotaþola í seinna málinu fyrir kynferðisbrot.

Frétt mbl.is: Önnur konan kærð fyrir kynferðisbrot

Það mál er ekki annað þeirra sem nú hefur ratað til ríkissaksóknara.

Tengdar fréttir

Kynferðisbrot

Samþykkir beiðni um áfrýjun í kynferðisbrotamáli

• Sjö ára dómur yfir Theodóri staðfestur
• Streymi: Kynferðisofbeldi gegn börnum með notkun gervigreindar
• Sendi ítrekað typpamyndir á 15 ára stúlku
• Braut ítrekað á barnungri náfrænku sinni

» Fleiri tengdar fréttir

• Blogga um frétt