Fyrr í dag varaði Veðurstofa Íslands við fárviðri sem skellur á sunnanvert landið eftir klukkan 15 á morgun. Eftir klukkan 19 má búast við ofsaveðri eða fárviðri um allt land. Í tilkynningu Veðurstofunnar er bent á að veðrið á morgun verði miklu verra en það veður sem var í síðustu viku, það er á þriðjudag, föstudag og í gær, laugardag.

Fyrri frétt mbl.is: Von á „glórulausum byl“ á morgun

Hvað er eiginlega fárviðri?

Á föstudag og þriðjudag í síðustu viku var um að ræða ofsaveður. Það er þegar vindstyrkur er 28-32,6 metrar á sekúndu að meðaltali Þá má gera ráð fyrir miklum skemmdum á mannvirkjum, útivera á bersvæði verður hættuleg og veðrið getur rifið hjarn, lyft möl og grjóti.

Fyrri frétt mbl.is: Ofsaveður? Hvað er nú það?

En á morgun er um fárviðri að ræða og er það einu stigi fyrir ofan ofsaveður. Í fárvirðri fer meðalhraði vindhviða yfir 32,7 metra á sekúndu. Allt lauslegt fýkur, þar á meðal möl og jafnvel stórir steinar, segir á vef Veðurstofu Íslands. „Kyrrstæðir bílar geta oltið eða fokið. Heil þök tekur af húsum. Skyggni oftast takmarkað, jafnvel í þurru veðri.“

Með veðrinu á morgun fylgir úrkoma og verður hún í formi snjókomu og því má búast við glórulausum byl.

Hér má sjá veðurvef mbl.is.

Gulur flekkirnir, þar er fárviðri. Vindaspáin annað kvöld, kl 21. Veðurstofa Íslands

Tengdar fréttir

Óveður í desember 2015

20-25 bótaskyld tjón á Austurlandi

• Þak fauk af húsi á Egilsstöðum
• Norðaustan og ófærð í kortunum
• Stormviðvörun frá Veðurstofunni
• Vilja nýjan varnargarð í forgang

» Fleiri tengdar fréttir

• Blogga um frétt