Hjúkrunarfræðingur sem var ákærður fyrir mann­dráp af gá­leysi eft­ir að sjúk­ling­ur í hans um­sjón lést á gjör­gæslu­deild Land­spít­al­ans síðla árs 2012 var í dag sýknaður af ákæru í Héraðsdómi Reykjavíkur. Þá var Landspítalinn einnig sýknaður.

Saksóknari fór fram á að Ásta Krist­ín Andrés­dótt­ir yrði dæmd í fjög­urra til sex mánaða skil­orðsbundið fang­elsi og til að greiða sakarkostnað upp á 1,2 millj­ónir króna.

Dómssalurinn var þéttsetinn og fjölmargir hjúkrunarfræðingar mættu til að fylgjast með uppkvaðningu dómsins. Fagnaðarlæti brutust út er dómsorðin voru lesin og mikið klappað.

Frétt mbl.is: Skilgreindi sig sem glæpahjúkku