Viðgerð á byggðalínuhringnum sem fór í sundur á tveimur stöðum í fyrrakvöld er lokið.

Svo segir í tilkynningu frá Landsnet þar sem fram kemur að ekkert rafmagnsleysi sé lengur frá viðskiptavinum fyrirtækisins og raforkuafhending sé að færast í eðlilegt horf eftir óveðrið í fyrra kvöld.

Í tilkynningunni segir að viðgerð sé að ljúka á Kópaskerslínu og að hún verði komin aftur í rekstur í kvöld. Þá sé viðgerð hafin á Breiðadalslínu 1 sem er í sundur í Dýrafirði þar sem 17 möstur brotnuðu vegna ísingar og vindálags í fyrrakvöld. Norðanverðir Vestfirðir fá rafmagn frá varaaflsstöðinni í Bolungarvík meðan á viðgerð stendur .

Tengdar fréttir

Óveður í desember 2015

20-25 bótaskyld tjón á Austurlandi

• Þak fauk af húsi á Egilsstöðum
• Norðaustan og ófærð í kortunum
• Stormviðvörun frá Veðurstofunni
• Vilja nýjan varnargarð í forgang

» Fleiri tengdar fréttir

• Blogga um frétt