Skírnir verður héraðsprestur

Skírnir Garðarsson, prestur Lágafellssóknar, mun frá 1. janúar verða héraðsprestur. „Það gerir hann að eigin ósk þar sem þjóðkirkjan kallar hann til nýrra og aukinna verkefna,“ segir í frétt á vefnum Kirkjan.is.

Séra Ragn­heiður Jóns­dótt­ir og Skírn­ir, sem bæði voru prest­ar í Lága­fells­sókn, fóru í leyfi frá störfum til ára­móta vegna óánægju inn­an sókn­ar­inn­ar. Þetta kom fram í bæj­ar­blaðinu Mos­fell­ingi.

Í frétt kirkjunnar kemur fram að nú færist þjónustuskyldur Skírnis úr Mosfellsprestakalli yfir í Reykjavíkurprófastsdæmin eystra og vestra, Kjalarnesprófastsdæmi og Suðurprófastsdæmi. Verkahringur séra Skírnis verður áhugaverður og fjölbreyttur í ofangreindum prófastsdæmum.

Frétt mbl.is: Kvartað vegna eineltis í kirkjunni

Séra Skírnir hefur fjölþætta prestsreynslu hérlendis og erlendis frá. Hann starfaði sem prestur í Noregi til fjölda ára. Hin seinni ár hefur hann sinnt prestsþjónustu hérlendis. „Öll þessi reynsla mun nýtast honum á nýjum starfsvettvangi,“ segir í frétt kirkjunnar.

• Blogga um frétt