Forsætisráðherra og umhverfisráðherra fagna samkomulaginu sem tókst á loftslagsráðstefnunni í París sem lauk um helgina. „Þetta er stórkostlegur árangur,“ segir Sigrún Magnúsdóttir.

Hún segir að samstaðan á fundinum hafi verið mjög mikil. Fólk hafi skynjað að ögurstund væri runnin upp í loftslagsmálum heimsins. Niðurstaðan kalli á hugarfarsbreytingu um heim allan. Sigmundur Davíð Gunnlaugsson talar um „sögulegt og metnaðarfullt samkomulag“ sem Íslendingar muni leggja sitt af mörkum til.

Samkomulagið, sem ekki er lagalega bindandi fyrir þátttökuríkin, felur í sér að öll ríki heims skuldbinda sig til að draga úr útblæstri gróðurhúsalofttegunda eftir árið 2020 þegar Kyoto-bókunin um umhverfismál, sem nú er í gildi, rennur út. Parísarsamkomulagið er langtum víðtækara en Kyoto-bókunin og nær til 90% af heimslosun, að því er fram kemur í ítarlegri umfjöllun um þetta mál í Morgunblaðinu í dag.

Tengdar fréttir

Loftslagsráðstefna Sameinuðu þjóðanna í París 2015

17 tilskipanir Bidens

• Fótósjoppuðu mynd af leiðtoga Græningja
• Súrnun hefur áhrif á allt lífríki hafsins
• „Ekki fyrir mig, því ég verð dauður“
• Björt segir ákvörðun Trump vonbrigði

» Fleiri tengdar fréttir