Umsóknir tveggja albanskra fjölskyldna um íslenskan ríkisborgararétt bárust allsherjarnefnd Alþingis í gærkvöldi. Þetta staðfestir Unnur Brá Konráðsdóttir, formaður nefndarinnar í samtali við mbl.is.

Fjölskyldunum hafði báðum verið neitað um hæli hér á landi og var vísað úr landi í síðustu viku. Mikil umræða skapaðist í kjölfarið, sérstaklega í ljósi þess að í báðum fjölskyldum eru langveik börn. Í gær kom síðan fram að verið væri að ræða á vettvangi þingsins möguleika á að veita þeim íslenskan ríkisborgararétt. Í samtali við mbl.is í gær benti Unnur þó á að fólkið þurfi fyrst að sækja formlega um ríkisborgararétt svo að það sé skoðað af þinginu. Eins og fyrr segir sóttu fjölskyldurnar um í gærkvöldi.

Að sögn Unnar þarf nú að fara yfir umsóknirnar og kalla eftir frekari gögnum. Hún gat ekki sagt til um hvað það taki langan tíma að afgreiða umsóknirnar.

Tengdar fréttir

Flóttafólk á Íslandi

Flestir sem hvergi finnast koma frá Sómalíu

• Vonast eftir breiðri þverpólitískri sátt
• Allt frá nokkrum tímum upp í viku í nýrri miðstöð
• Mjög dýrt að tryggja landamærin
• Greiningarmiðstöð hluti af 13 landamæraaðgerðum

» Fleiri tengdar fréttir

• 1 blogg um fréttina

Bloggað um fréttina

• Eyjólfur Jónsson: Opinberir starfsmenn geta hætt og þingmenn líka ef málum skal …