Atkvæðagreiðsla stendur enn yfir
Setja bókamerki
Alþingi felldi rétt í þessu tillögu minnihlutans um að auka fjárframlög til Landspítala í fjárlögum 2015. Atkvæðagreiðsla um hinar ýmsu breytingartillögur stendur enn yfir og hefur gengið þannig að tillögur minnihlutans hafa verið felldar en þingmenn minnihlutans í flestum tilfellum setið hjá við atkvæðagreiðslu um tillögur meirihlutans.
Þingmenn hafa verið duglegir við að stíga í pontu og gera grein fyrir atkvæðum sínum og hefur oft á tíðum verið heitt í hamsi. Þingmenn minnihlutans hafa m.a. verið sakaðir um popúlisma, en þeir hafa aftur gagnrýnt harðlega að Landspítalanum skuli ekki vera tryggt aukið rekstrarfé í ljósi ástandsins á spítalanum, sem endurspeglist m.a. í myglu og leka í byggingum sjúkrahússins.
Lýsa má umræðunni um fjárveitingar í heilbrigðiskerfinu með því að segja að þingmenn ríkisstjórnarflokkanna og þingmenn stjórnarandstöðunnar séu fullkomlega ósammála um hvort verið sé að forgangsraða í þágu heilbrigðiskerfisins eður ei.
Uppfært kl. 23.05:
Rétt í þessu upphófst nokkur kurr á þingi þegar Ögmundur Jónasson lýsti yfir ánægju með að 3. umræða um fjárlög væri enn eftir. Bað þá forseti þingsins menn um að gefa þingmönnum í pontu hljóð, en í það minnsta hætta frammíköllum þegar þingmenn hefðu lokið ræðu sinni.
Sigríður Ingibjörg Ingadóttir steig í pontu á eftir Ögmundi og skoraði á stjórnarmeirihlutann að sýna manndóm og viðurkenna að hann vildi einkavæða heilbrigðiskerfið. Hófust þá aftur frammíköll.
„Má segja að þetta gos hafi þjófstartað“
Gosið gæti varað lengur: Meiri fyrirstaða í gosrásinni
Hvað gerðist eiginlega í VMA?
Myndir: Grindavíkurvegur aftur undir hraun
„Erum í miðri hrinu“: Styttist í Eldvörp
Mæðgur dæmdar til að greiða 64 milljónir
Búseta skortir byggingarlóðir