Snakkmálið í Hæstarétti í febrúar
Setja bókamerki
Tengdar fréttir
Fjárlög 2016
Hinn 15. febrúar næstkomandi verður tekin fyrir í Hæstarétti Íslands áfrýjun Haga, Ölgerðarinnar og Innness í snakkmálinu svokallaða. Ríkið var fyrr á árinu sýknað af kröfum fyrirtækjanna í Héraðsdómi Reykjavíkur.
Fyrirtækin kröfðust endurgreiðslu frá ríkinu vegna 59 prósenta tolls á innfluttar kartöfluflögur sem þau töldu ólögmætan.
Tollurinn var afnuminn í gær en þrátt fyrir það er málið enn í gangi af hálfu fyrirtækjanna.
Páll Rúnar Mikael Kristjánsson, hæstaréttarlögmaður hjá Málflutningsstofu Reykjavíkur, flytur málin þrjú í Hæstarétti fyrir hönd fyrirtækjanna. Hann telur að ákvörðun Alþingis um að fella niður tollinn hafi engin áhrif á áfrýjunina.
Finnur Árnason, forstjóri Haga, er að vonum ánægður með að Alþingi ákvað að fella snakktollinn niður. Lögin þar að lútandi taka gildi í byrjun árs 2017. „Ég er mjög ánægður. Það er gott að losna við þennan toll. Það er ljóst að þessi vara sem ber þessa tolla mun lækka í verði sem þessu nemur,“ segir Finnur.
Andri Þór Guðmundsson, forstjóri Ölgerðarinnar, tekur í sama streng. „Ég fagna þessu. Þetta er gott fyrsta skref í áttina að því að afnema tolla á matvæli,“ segir hann en fyrirtækið flytur inn Lay's- og Doritos.
Tengdar fréttir
Fjárlög 2016
Funda með þingflokkum
„Tímabil aukinnar eldvirkni“
Alvarleg netárás á Wise
Þetta eru ráðherrar ríkisstjórnarinnar
Forstjóri bendir á ábyrgð birgja vegna verðhækkana
Stormur á Þorláksmessu en víðast hvar stefnir í hvít jól
Fyrsti blaðamannafundurinn í heild sinni
