HS Orka hefur fengið framkvæmdaleyfi hjá Grindavíkurbæ til rannsóknaborana í Eldvörpum. Hafin er söfnun undirskrifta á netinu þar sem skorað er á Grindavíkurbæ og HS Orku að þyrma Eldvörpum.

Söfnun undirskrifta gegn framkvæmdum í Eldvörpum fer fram á alþjóðlegum undirskriftavef, Avaaz.org. Þar höfðu í gær 1.370 einstaklingar frá ýmsum löndum skorað á Grindavíkurbæ að afturkalla leyfi til tilraunaborana og HS Orku að hætta við áform um fyrirhugaðar framkvæmdir.

Það er meðal annars rökstutt með vísan til mikilvægis þess að halda svæðinu óröskuðu svo núverandi og komandi kynslóðir geti notið einstakra upplifana í Eldvörpum. Eldvörp eru gígaröð, um fimm kílómetra frá Svartsengi við Grindavík, að því er fram kemur í umfjöllun um mál þetta í Morgunblaðinu í dag.

Tengdar fréttir

Jarðhiti í Eldvörpum

Andmæli við virkjun „byggð á misskilningi“

• Sýnikennsla á landreki í Eldvörpum
• Eyðileggja smækkaða útgáfu Lakagíga
• Átökin um Eldvörp
• Neikvæð áhrif sjónræns eðlis og vegna hávaða

» Fleiri tengdar fréttir