Voru orðnir kaldir og hraktir

Bresku ferðamennirnir sem þyrla Landhelgisgæslunnar átti að sækja í gönguskálann Emstrur við Botnaá voru orðnir kaldir og hraktir þegar þeir höfðu samband við Landsbjörg og óskuðu eftir aðstoð.

Þeir höfðu verið á göngu yfir miðhálendið.

Að sögn lögreglunnar á Hvolsvelli er mikill krapi er á svæðinu endar er búið að rigna mikið að undanförnu. Veðurspáin er einnig slæm.

Ákveðið var að senda þyrlu Landhelgisgæslunnar á eftir þeim, því mjög seinfarið er að fara til þeirra á bílum vegna erfiðra aðstæðna.

Í frétt Morg­un­blaðsins á Þor­láks­messu kom fram að göngu­hóp­ur­inn The Coldest Cross­ing sam­an­stæði af þrem­ur ung­um Bret­um sem ætluðu að eyða jól­un­um á há­lendi Íslands og ferðast á skíðum yfir landið á 18 dög­um. Kapp­arn­ir lögðu á Þor­láks­messu af stað úr Hraun­eyj­um áleiðis í Land­manna­laug­ar, þar sem þeir ætluðu að eyða aðfanga­dags­morgni í heit­um laug­um.

Á Þor­láks­messu slóg­ust svo tveir kvik­mynda­gerðar­menn í för með pilt­un­um en mynda átti ferðina alla með kvik­mynda­vél­um og drón­um. 

Leiðang­urs­stjór­inn Charlie Smith sagði þá hafa lent í nokkr­um hremm­ing­um á leiðinni, en í byrj­un ferðar­inn­ar veikt­ist einn þeirra í lung­um og varð hann þar af leiðandi að snúa heim. Ann­an fé­lagi kól á tám og þurfti því að kalla til björg­un­ar­sveit sem náði í ferðalang­ana inn í Nýja­dal.

Frétt mbl.is: Þyrla sækir bresku göngugarpana

Félagarnir á ferð sinni um landið.

• Blogga um frétt