Þrír eru í haldi lögreglu í tengslum við rannsókn máls á bankaráni við Borgartún í dag. Fyrr í kvöld var sagt frá því að tveir hefðu verið handteknir en nú eru þeir þrír samkvæmt heimildum mbl.is. Lögregla hefur ekki staðfest þriðju handtökuna eða hvort að mennirnir sem frömdu ránið í dag séu meðal þeirra handteknu. 

Leit stendur þó enn yfir samkvæmt heimildum mbl.is og fer lögregla eftir vísbendingum sem þeim hefur borist. Ekki er vitað hversu margra er nú leitað en fyrr í kvöld sagði Kristján Ólafur Guðnason aðstoðaryfirlögregluþjónn í samtali við mbl.is að tveggja manna væri leitað í tengslum við rannsókn málsins. 

Þyrla Landhelgisgæslunnar yfir Öskjuhlíð fyrr í dag. mbl.is/Júlíus Sigurjónsson

Tengdar fréttir

Bankarán í Borgartúni

Bankaræningjar í þriggja ára fangelsi

• Bankaræningi áfram í gæsluvarðhaldi
• Bankaræningjar fangelsaðir
• Enn í gæsluvarðhaldi
• Játningar liggja fyrir í bankaráni

» Fleiri tengdar fréttir

• Blogga um frétt