Varðskipið Þór kom að flutningaskipinu Hoffell rétt fyrir klukkan 11 í morgun en skipið var statt vélarvana um 160 sjómílur suðvestur af Færeyjum. Vel gekk að koma taug á milli skipanna og er Þór nú á leið með Hoffellið áleiðis til Reykjavíkur samkvæmt upplýsingum frá Landhelgisgæslunni.
Gera má ráð fyrir að skipin verði komin til hafnar í Reykjavík í lok vikunnar. Fram kemur í fréttatilkynningu frá Gæslunni að aðeins hafi tekið um tvo klukkutíma að koma tauginni á milli skipanna þrátt fyrir töluverða ölduhæð.
Fréttir mbl.is:
Hoffell vélarvana við Færeyjar