RÚV-skýrslan kostaði 4,9 milljónir
Setja bókamerki
Samanlagður kostnaður við gerð skýrslu um starfsemi og rekstur RÚV frá 2007 nam 4,9 milljónum króna. Ráðuneytið greiddi Svanbirni Thoroddsen 3,6 milljónir króna og Eyþóri L. Arnalds 750.000 kr. fyrir störf þeirra í þágu nefndarinnar.
Þetta kemur fram í svari Illuga Gunnarssonar, mennta- og menningarmálaráðherra, við fyrirspurn frá Bjarkeyju Olsen Gunnarsdóttur, þingmanns Vinstri grænna, um skýrsluna, sem var kynnt af hálfu ráðuneytisins 29. október sl.
Auk þess að spyrja um samanlagðan kostnað og greiðslu til nefndarmanna, spurði Bjarkey að því hvort fengin hefði verið aðkeypt ráðgjöf og sérfræðivinna við gerð skýrslunnar.
Í svari ráðherra segir, að kostnaður umfram þá sérfræðivinnu, sem greidd var til Svanbjörns og Eyþórs hafi samtals numið 696.000 kr. Kostnaðurinn var greiddur af ráðuneytinu.
Þá var spurt að því, hver mikið kynning skýrslunnar í Safnahúsinu og víðar hafi kostað.
„Kostnaður vegna kynningar á niðurstöðum skýrslunnar nemur samtals 97.650 kr. Kostnaðurinn er greiddur af ráðuneytinu,“ segir í svarinu.
Loks var spurt að því hvaða aðilar hefðu annast fjölmiðlaráðgjöf vegna kynningar á skýrslunni, hvað ráðgjöfin hafi kostað og hver beri þann kostnað
„KOM almannatengsl annaðist allan undirbúning og framkvæmd fundar í Safnahúsinu 29. október. Kostnaður vegna þessa nemur 97.650 kr. sem ráðuneytið greiðir,“ segir í svari ráðherra.
Uppfært kl. 16.58:
Samkvæmt upplýsingum frá mennta- og menningarmálaráðuneytinu var það KPMG sem fékk greiddar 3,6 milljónir vegna skýrslugerðarinnar, en Svanbjörn Thoroddsen vann verkið. Svar ráðherra verður uppfært til að endurspegla þetta.
Var engin kristnitaka árið 1000?
„Börn heima sem maður myndi vilja hafa í skjóli“
Þetta eru ráðherrar ríkisstjórnarinnar
Ný ríkisstjórn kynnt á morgun
Barn lést í árásinni
Lát hjóna í Neskaupstað: Ákæra gefin út
„Tímabil aukinnar eldvirkni“
