Múslimar mótmæltu í Reykjavík
Setja bókamerki
Félagar úr trúfélögunum Menningarsetur múslima og Félag múslima höfðu uppi mótmæli fyrir utan Grand Hótel Reykjavík í dag en þar hélt sjálfseignastofnunin Stofnun múslima á Íslandi fund. Hussein Al Doudi, stjórnandi stofnunarinnar, skipulagði fundinn.
Að sögn leiðtoga Menningarsetursins, múslimaklerksins Ahmad Seddeq, vildu menn vita hvað varð um þá rúmlegu einu milljón dala sem Sádí-Arabar lögðu fram til byggingar mosku á Ísland. Hvorki Menningarsetrið né Félag múslíma hafa fengið peningana en moska félagsins á að rísa í Sogamýri.
Ahmad segir að Stofnun múslima hafi fengið peningana í sinn vasa og Menningarsetrið viti ekkert hvað hafi hún hafi gert við þá. Menningarsetrið leigir Ýmishúsið við Skógarhlíð af Stofnun múslima.
Ahmad var ekki viðstaddur mótmælin en ætlaði nokkru síðar að sækja fundinn, sem hann taldi vera opinn. Þar var honum aftur á móti vísað á dyr.
„Við þurfum peningana fyrir okkar starfsemi á Ísland. Þeir eru ekki trúfélag eins og við. Mér finnst grunsamlegt hvernig þeir haga sér í þessu máli og funda fyrir luktum dyrum,“ segir Ahmad en einu trúfélög múslima á Íslandi sem eru skráð opinberlega eru Menningarsetur múslima og Félag múslima.
„Ég vildi mæta á fundinn, hlusta á hvað þeir voru að ræða og spyrja þá út í hvað varð um peningana en öryggisverðir hentu mér út.“
Ahmad, sem hefur búið á Íslandi frá árinu 2011, segist tala fyrir hönd um 400 múslima í Menningarsetri múslima á Íslandi og þeir hafi fullan rétt á að vita hvað hafi orðið um peningana.
Gera ráð fyrir 1,7 milljarða króna rekstrarafgangi
Þungbært að missa félaga
Altjón eftir að kviknaði í út frá rafmagni
Hvenær vitum við úrslitin?
Líkur á vatnavöxtum og varað við skriðum
Börnum mismunað: Kjaradeilan verði leyst án tafar
/frimg/1/52/68/1526898.jpg)
„Fólk elskar þennan mann“
Ágreiningur í VG um aðild að NATO