Karlmaður sem rann um hundrað metra niður hlíð í Skarðsdal í gær er alvarlega slasaður og liggur á gjörgæslu Landspítalans. Gert er ráð fyrir að hann muni gangast undir aðgerð í dag samkvæmt upplýsingum frá Landspítala.
Kona sem var með honum er talin minna slösuð en nánari upplýsingar um líðan hennar liggja ekki fyrir.
Aðstæður á slysstað voru erfiðar og tafsamt var fyrir björgunarsveitir að komast á vettvang en þyrla Landhelgisgæslunnar flutti fólkið á Landspítalann í gær.
Fréttir mbl.is:
Ferðamennirnir komnir á sjúkrahús