„Ég sakna hennar nánast nú þegar“

Dagur B. Eggertsson, borgarstjóri Reykjavíkur, segir að það verði mikill missir af Katrínu Júlíusdóttur úr stjórnmálum og af Alþingi, en hún hefur tilkynnt flokksfélögum sínum að hún ætli að hætta á Alþingi eftir næstu þingkosningar. „Ég sakna hennar nánast nú þegar,“ skrifar Dagur.

Þetta kemur fram í pistli sem Dagur birtir á Facebooksíðu sinni. Hann bendir á að það sé í hennar stíl að taka þessa ákvörðun algjörlega á eigin forsendum.

Þá veltir Dagur því upp hvort Katrín sé sú þingkona sem sé með langmesta þingreynslu, en hún tók sæti á þingi árið 2003. „Telst til að hún sé reyndar eina núverandi þingkonan sem hafi setið lengur en tíu ár á Alþingi.“

Frétt mbl.is: „Áfall fyrir flokkinn“

• 1 blogg um fréttina

Bloggað um fréttina

• S i g u r ð u r S i g u r ð a r s o n: Sumir sakna Katrínar miklu mest ... eða þannig