Útskipun á áli frá álveri Rio Tinto Alcan í Straumsvík stöðvast að óbreyttu frá og með miðnætti í kvöld.

Þá á að hefjast boðuð vinnustöðvun tólf félagsmanna verkalýðsfélagsins Hlífar sem tilheyra flutningasveit álversins og starfa á hafnar- og vinnusvæði fyrirtækisins, að því er fram kemur í umfjöllun um mál þetta í Morgunblaðinu í dag.

Rio Tinto Alcan hefur kært vinnustöðvunina til Félagsdóms og farið fram á að hún verði dæmd ólögmæt. Flytja Samtök atvinnulífsins málið í Félagsdómi fyrir hönd álfyrirtækisins. Málflutningur fyrir Félagsdómi fer fram í dag og vonast deilendur til þess að niðurstaða dómsins um lögmæti aðgerðanna liggi fyrir áður en þær eiga að hefjast á miðnætti í kvöld.

Tengdar fréttir

Kjaraviðræður

Enn þokast lítið í kjaradeilu kennara

• Unnu eftir kröfugerð sem lögð var fram í upphafi
• Hjúkrunarfræðingar skrifa undir kjarasamning
• Lýsa yfir stuðningi við kennara
• Formenn funda aftur með ríkissáttasemjara á morgun

» Fleiri tengdar fréttir