„Ákvörðun ætti að liggja fyrir á morgun,“ segir Þorgímur Óli Sigurðsson, aðstoðaryfirlögregluþjónn á Suðurlandi í samtali við mbl.is, aðspurður um hvort farbann yfir sakborningi í mansalsmáli í Vík í Mýrdal verði framlengt. Farbannið rennur út á morgun, föstudag.

Maður­inn er grunaður um að hafa haldið fólki í vinnuþrælk­un en hann er eig­andi fyr­ir­tæk­is­ins Vonta In­ternati­onal. Málið komst upp þegar að lög­regla fann tvær kon­ur frá Sri Lanka í kjall­ara húss manns­ins á Vík og hann var í kjöl­farið hand­tek­inn. Nú eru þó sex með stöðu brotaþola í mál­inu, kon­urn­ar tvær og fjór­ir út­lend­ing­ar til viðbót­ar sem störfuðu hjá fyr­ir­tæk­inu.

Rannsókn málsins gengur vel, að sögn Þorgríms. „Við stefnum á að ljúka rannsókninni í næstu viku og vonum að það gangi eftir,“ segir Þorgrímur.

Þegar rannsókn lögreglu lýkur verður málið sent til ákæru­sviðs þar sem tek­in verður ákvörðun um næstu skref.

Tengdar fréttir

Mansal í Vík

Ekki mansal vegna frís fæðis og húsnæðis

• Mansalsmálið í Vík fellt niður
• Frjáls ferða sinna í tvo mánuði
• Hæstiréttur staðfestir farbann
• Rannsókn á mansali lokið

» Fleiri tengdar fréttir

• Blogga um frétt